- दिवाळीपूर्वी व्यावसायिक सिलिंडरचे दर १०१.५० रुपयांनी वाढले होते
- तेल विपणन कंपन्यांनी (OMCs) व्यावसायिक गॅसच्या किमतीत कपात केली
- घरगुती एलपीजी सिलिंडरच्या किमतीत कोणताही बदल झालेला नाही.
नवी दिल्ली : गॅस सिलिंडरच्या दरात कपात दिवाळीच्या आगोदर एलपीजी सिलिंडरच्या दरात वाढ झाल्याची बातमी समोर आली होती,
परंतु आता सर्वसामान्यांना दिलासा मिळाला आहे. दिवाळीपूर्वी १९ किलोच्या व्यावसायिक सिलिंडरच्या दरात १०१.५० रुपयांची वाढ करण्यात आली होती तर घरगुती एलपीजी सिलिंडरच्या किमतीत कोणताही बदल झालेला नव्हता.
अशा परिस्थितीत दिवाळीपूर्वी झालेल्या दरवाढीनंतर आता तेल कंपन्यांनी आज, गुरुवार, १६ नोव्हेंबर २०२३ रोजी व्यावसायिक सिलिंडरच्या किमती कमी केल्या आहेत.
व्यावसायिक एलपीजी स्वस्त झाला
सरकारी तेल विपणन कंपन्यांनी चार महानगरांमध्ये १९ किलोग्रॅमच्या व्यावसायिक एलपीजीच्या किंमती १६ नोव्हेंबरपासून प्रभावीपणे ५७.५ रुपयांपर्यंत कमी केल्या आहेत.
तेल कंपन्यांच्या या निर्णयामुळे हॉटेल आणि रेस्टॉरंट्स सारख्या व्यावसायिक स्वयंपाकाच्या गॅस वापरकर्त्यांना या सुधारणांमुळे काहीसा दिलासा मिळाला असेल.
दरम्यान, कंपन्यांनी मात्र घरगुती एलपीजीच्या किमती सध्याच्या पातळीवर स्थिर ठेवल्या आहेत.
तर १ नोव्हेंबर पासून , भारत पेट्रोलियम कॉर्पोरेशन आणि हिंदुस्थान पेट्रोलियम कॉर्पोरेशनने चार महानगरांमध्ये
१९ किलोग्राम व्यावसायिक सिलिंडरच्या किरकोळ किमती १०१.५ रुपयांपर्यंत सुधारण्यात आल्या होत्या.
१६ नोव्हेंबरपासून लागू होणार्‍या चार शहरांमधील १९-किलो व्यावसायिक एलपीजी सिलिंडरच्या किंमती तपासा
- नवी दिल्ली: १,७७५.५ रुपये
- कोलकाता: १,८८५.५ रुपये
- मुंबई: १,७२८ रुपये
- चेन्नई: १,९४२ रुपये
घरगुती एलपीजी सिलिंडरच्या किमती ‘जैसे थे’
यावेळी कंपनीने १५ नोव्हेंबरच्या संध्याकाळी आढावा घेतल्यानंतर व्यावसायिक एलपीजीच्या किंमती कमी केल्या होत्या .
तथापि, या आढाव्यात घरगुती वापराच्या सिलिंडरच्या किमतीत कोणताही बदल झालेला नाही.
आजही, घरगुती वापरासाठी १४.२ किलोचा सिलिंडर मुंबईत ९०२.५० रुपयांना बाजारात उपलब्ध असेल.
ऑगस्टमध्ये केंद्र सरकारने घरगुती गॅस सिलिंडरची किंमत २०० रुपयांनी कमी करण्याची घोषणा केली होती.
त्यानंतर सप्टेंबर महिन्यात सरकारने व्यावसायिक गॅस सिलिंडरच्या दरातही कपात केली तर नोव्हेंबर महिन्याच्या सुरुवातीपासून १९ किलोचा गॅस सिलिंडर १८७८ रुपयांऐवजी १७६२.५० रुपयांना मिळत होता.