World cup 2023: नेदरलँड्सविरुद्ध भारताच्या विजयाची प्रार्थना वनडे विश्वचषक २०२३ मध्ये श्रीलंका क्रिकेट संघाची कामगिरी अत्यंत निराशाजनक होती.
संघाला त्याच्या ९ पैकी फक्त २ सामने जिंकता आले, ज्यामुळे ते गुणतालिकेत ९व्या स्थानावर घसरले आहेत.
नवी दिल्ली : आयसीसी एकदिवसीय विश्वचषक २०२३ मधील श्रीलंका क्रिकेट संघाची मोहीम पराभवाने संपुष्टात आली.
श्रीलंकेला त्यांच्या शेवटच्या साखळी सामन्यात ५ विकेट्सनी पराभव स्वीकारावा लागला.
या पराभवाने श्रीलंकेच्या अडचणीत आणखी वाढ झाली आहे.
श्रीलंकेचा संघ या स्पर्धेत ९ सामने खेळून केवळ ४ गुण मिळवू शकला.
यामुळे ती पॉइंट टेबलमध्ये ९व्या स्थानावर घसरली आहे.
आता त्यांच्यावर अजून एका संकटाचे ढग तयार झाले आहेत.
नेदरलँड्सविरुद्ध भारताच्या विजयाची प्रार्थना
प्र्नेदरलँड्सविरुद्ध भारताच्या विजयाची प्रार्थन आता श्रीलंका संघावर चॅम्पियन्स ट्रॉफी २०२५ मधून बाहेर पडण्याचा धोका आहे.
एवढेच नाही तर श्रीलंकेच्या या पराभवामुळे पाकिस्तानलाही मोठा धक्का बसला आहे.
श्रीलंकेच्या संघाने न्यूझीलंडला पराभूत केल्यास पाकिस्तानला उपांत्य फेरी गाठण्यास मदत होईल,
अशी अपेक्षा होती, पण न्यूझीलंडविरुद्ध श्रीलंकेला स्वत:चीही मदत करता आली नाही.
पाकिस्तानी संघ विश्वचषकाच्या उपांत्य फेरीतून बाहेर पडणार हे जवळपास निश्चित झाले आहे.
कारण इंग्लंडविरुद्धच्या सामन्यात त्यांना मोठ्या फरकाने विजय मिळवावा लागेल, जो खूप कठीण दिसत आहे.
त्याचबरोबर इंग्लंडचा संघ पाकिस्तानकडून पराभूत झाला तरी धावगतीने पुढे असल्याने न्यूझीलंड संघ उपांत्य फेरीत आपले स्थान निश्चित करेल.
लंकेला आता भारताकडून आशा
विश्वचषक २०२३ च्या गुणतालिकेत श्रीलंका क्रिकेट संघ ९व्या स्थानावर आहे.
आयसीसीच्या बदललेल्या नियमांनुसार, गुणतालिकेत अव्वल ८ संघच थेट चॅम्पियन्स ट्रॉफीसाठी पात्र ठरू शकतील.
अशा स्थितीत श्रीलंका संघाला आता भारताकडून मदतीची अपेक्षा आहे.
नेदरलँडचा संघ गुणतालिकेत सर्वात खालच्या स्थानावर आहे.
त्याला भारतासोबत शेवटचा सामना खेळायचा आहे. अशा स्थितीत भारतीय संघाने नेदरलँड्सला मोठ्या फरकाने पराभूत करावे,
अशी श्रीलंकेची अपेक्षा आहे जेणेकरून ते गुणतालिकेत टॉप-८ मध्ये पोहोचू शकणार नाहीत.
त्याचबरोबर ऑस्ट्रेलियाने बांगलादेशला तर पाकिस्तानी संघाने इंग्लंडला पराभूत करावे, अशी त्यांची अपेक्षा आहे.
अशा स्थितीत नेदरलँड, बांगलादेश आणि इंग्लंडचेही प्रत्येकी केवळ चार गुण असतील.
अशा स्थितीत धावांच्या जोरावर श्रीलंकेला टॉप-८ मध्ये आपले स्थान निश्चित करण्याची संधी असेल जेणेकरून ते थेट चॅम्पियन्स ट्रॉफीसाठी पात्र ठरू शकतील.